Ga naar de inhoud
Noe de elfdje-van-de-elfdje weer vanne kalender 2026 is, kan de vastelaovendj de rest van deze maondj eine aanlaup neme nao et Hoeëgfieëst van begin fibbrewari.
Zaoterdag is alweer et Vorstoetrope. Waem wäordj de opvolger van Vorst Kwiebus VXXIII Niels Seegers? Vanaf zunjig sjuuft dae oppe website van De Kwiebusse door nao de ieëregalerie van Aod Vorsten.
De commissie Historie Kwiebusse haet tösse asgoonsdig en de elfde van de elfde neet stil gezaete. Bie edere vorst – väör zover besjikbaar – zeen staatsiefoto, de jeugdvorst, leus, adjudant, boekemeisters, boerenbroedspaar, gezèt en schlagerwinnaar geplaatst. En as gao door kliktj bie De Kwiebusse nao de rubriek Historie zeetj auch det de kemmissie in samenwerking mit Heemkundevereniging Oos Naer volop bezig is mit et vastligke van de gesjiedenis van De Kwiebusse. Laes dao noe al artikele äöver: de naam, et logo, et Kwiebusbeeld, de optocht van 1899, Sjang mit Aanhang, Hay Klaessen en de Zwaegelaktsie van1963. En dao kumptj nog mieër.
Mit graote regelmaot bliektj dat der ònger de miense nog väöl, hieël väöl (foto)materiaal zitj. Hieboave zeet gae det auch in 1951 al vastelaoves foto’s gemaaktj wäordje. Op de foto, gekniptj bie café Joosten aan de Napoleonsweg, staon Sef Ottenheim (Groeate Sef van Sjaen) en Piet Janssen (stukadoor)
Omdat der niks verlaore moog gaon, vraoge wae uch om mit oś mit te zeuke. Vindj gae get, bel of steure ein bericht nao: Kueb vanne Waever (06-42135868, kuebjanssen@gmail.com) of Jos Emonts (06-10319899, j.emonts@home.nl). Väöl dank alvas.