Ga naar de inhoud
Dees foto, die waarsjienlik is gemaaktj inne vastelaovesoptocht van 1958 haet de Kemmissie Historie Kwiebusse gekraege van Gielke Timmermans. Dae woeëndje vreuger op ’t Klaoskempke. Noe is det de Esdoornstraot. Gielke mèntj det d’r zellef oppe foto steit van de toen nog noew buurt Klaoskempke/Vèsseberg, mer kèn zich neet trök vinje. Waem kan Gielke en ós oet de druim helpe en mieër vertèlle äöver dit Duuvels plaetje. Waem staon d’r nog mieër op?
Zoeë wie gezag, wae dinke det de foto is gemaaktj in 1958. Woróm dinke wae det? In det vastelaovesjaor zeen d’r groeëte zjwaegele oetgereiktj aan Vorst Kwiebus VII Wim Windhorst en groeëtvorst Sjaak Boonen. Lucifer/zjwaegel verwiestj nao de duuvel. De gezèt sjraef dao toen in ein verslaag vanne optocht äöver: “Ook de opperduivel van een der groepen kwam voor de microfoon en benoemde de Vorst en zijn adjudant beide in de Orde van het Zwaegelke”. Äöveriges huuërtj dae zjwaegel al vanaaf 1958 biej de versiersele vanne Vorst. Gae begrieptj: nao 68 jaor wille wae ‘t näödje vanne kous weite.
Noe wae ‘t toch äöver optochte höbbe: wae probere ouch alle optochtlieste biej ein te kriege. Wae höbbe die van väör 1966 en den 1969, 1971, 1973, 1975, 1976, 2011, 2013, 2019 en 2020 nog neet. Haet emes d’r ein of mieër bewaardj?
Wètj gae mieër? Bel den nao Kueb vanne Waever (06-42135868) of Jos Emonts (06-10319899)