Onder “Blik op Naer” 4237 vandaag ,
“oudje vastelaovend” via Thea Janssen

Noew et vastelaovesblood echt hel geit struime, kriegtj de kemmissie Historie Kwiebusse steeds mieër sjoean foto’s en anger zakes toegespeeldj. Dees foto kumptj van Thea Janssen en is tiejes de vastelaovendj van 1951 gemaaktj väör kefee Jaoste-Nabbe aan de Riekswaeg. De oproop van de toen net heropgerichdje carnavalsvereniging òm der mit de vastelaovendj op oet te gaon en leefs verklèdj haaj suukses. Zoas  bie Sef Ottenheim (Groeate Sef van Sjaen) en Piet Janssen (Piet van Körvers Toon). En verkleije hooftj neet moeilijk te zeen, wiste Sef en Toon toen al. Ein taofellake en ein möts, of waat dao op liektj väör Sef!  Eine pyjama en eine hood väör Piet! Vaerdig! Niks mieër aan doon! Vastelaovendj same!