Jaowaal Kwiebusse en Kwiebusinne ge zeetj ’t good.
Basissjoeal de Kwir en de Aoj Sjötte höbbe beslaote óm de henj inein te slaon en vanaaf koomendj Vastelaovessezoen te gaon saamewirke.
Op Vastelaovesdinsdig waerdj d’r ein groeate Boerebroeloft gehaoje väör jóngk en aod, groeat en klein, dun en diek…..det waerdj sjiek!
Op deze daag waerdj neet allein ’t groeate Boerebroedspaar in ’t ónecht verbónje mer ouch ’t Kinjerboerebroedspaar van de Kwir zal den mekaar ’t jaowaord gaeve woeanao d’r ein gezaamelikke resepsie zal zeen mèt aansloetendj ein groeat fieëst väör groeat en klein van gans Naer.
De bekèndjmaaking van zoeawaal ’t Kinjerboerebroedspaar as ’t groeate Broedspaar mèt Getuuge zal plaatsvinje oppe Leedjesaovend van de Kwiebusse.
’T programma waerdj momenteel oetgewirktj door de Aoj Sjötte in saamewirking mèt de Kwir, as we dit rondj höbbe hueërtj ge van ós!
