Ga naar de inhoud
Op de lèste daag van de vastelaovendj 2026 nog ein toepasselike foto via de kemmissie Historie Kwiebusse. Die blieftj door et jaor auch op zeuk nao vastelaovesmateriaal. Dus as gae mit ein verhoesing, mit de groeate poets of op ein anger meneer foto’s taegekoompt bön dao den zuunig op. Wo zeen die hongerdje foto’s geblaeve die beroepsfotografe vreuger höbbe gemaaktj van aod wieverballe, optochte en zomieër en die bie Joep of bie Simons inne Steeg te kaup ware? Et zo toch groeate zunj zeen as beväorbeeldj dees foto, neet baove water zo zeen gekome.
In welk jaor waas de boerebroelof? Waem trouwdje? En waem zeent gae oppe foto?
Kiek väör eine flinke aanzèt väör et opteikene vanne Kwiebusgeschiedenis auch ens op de www.kwiebusse.nl. Gank nao et menu Aod Vorste. Onger de foto van edere vorst steit al väöl intersante informatie. En dao kumptj nog hieël väöl Historie bie zeker mit eur mitwirking.
Wètj gae mieër of höbtj gae anger foto’s? Bel den nao Kueb vanne Waever (06-42135868) of Jos Emonts (06-10319899)
Maile kan ouch nao: j.emonts@home.nl